Манай компани нь Монгол Улсын барилгын салбарын хөгжилд өөрсдийн хувь нэмрээ оруулж, шинэ технологи нэвтрүүлэхийн сацуу хүн бүрийг тав тухтай, аюулгүй цахилгаан шатаар зорчдог хэрэглээний өндөр соёлд хүргэх зорилготойгоор мэргэшсэн монгол улсын инженер техникийн ажилтнуудаас бүрдсэн мэргэжлийн чадварлаг хамт олон ажиллаж байна.
Бид захиалагчийнхаа албан тоот, хүсэлтийн дагуу зураг төслийг боловсруулах, зураг төслийн дагуу захиалга өгч үйлдвэрлүүлэх, угсралт тохируулгын ажлуудыг иж бүрнээр хийж захиалагчдад хүлээлгэн өгөх буюу “түлхүүр гардуулах” зарчмаар ажилладаг.

Тус компани нь 2005 онд 3 инженер техникийн ажилтныг Шанхай хотын цахилгаан шатны Хятад Японы хамтарсан “Shanghai Sanei Elevator Co.,Ltd” компанид 3-6 сарын цахилгаан шатны угсралт, ашиглалт, үйлчилгээ явуулах бүрэн курст амжилттай суралцуулсан. Мөн 2006 онд 2 инженер техникийн ажилтныг Япон улсын цахилгаан шатны “Fuji Elevator Co.,Ltd” компанид 3 сарын цахилгаан шатны угсралт, ашиглалт, үйлчилгээ явуулах бүрэн курст амжилттай суралцуулсан. Манай компани нь мэргэжлийн инженер техникийн боловсон хүчнээр бүрэн хангагдсан учир угсралтын ажил болон засвар үйлчилгээний ажилд өндөр шаардлага тавин ажилладаг. Тус компаний инженер, техникийн ажилтнууд ОХУ, Солонгос, БНХАУ, Япон улсад компаний зардалаар 3-6 сарын хугацаагаар суралцаж мөн дээрхи улсуудын цахилгаан шатны мэргэжилтнүүд урьж ажиллуулан тэднээс суралцаж, мэдлэг чадвар ажлын арга барилаа байнга дээшлүүлж ажилладаг. Цахилгаан шатны лифтчин, механикийн 1 сарын сургалтыг өөрийн компаний сургалтын төвийн байранд байнга явуулдаг.